南韓同日本一向唔啱嘴形，即使係體育比賽都鬥個你死我亡。原定3月24日南韓作客日本嘅國際友誼賽，周三南韓宣布單方面取消，原因係想搵支非亞洲勁啲嘅球隊「拍跳」。我求大俠覺得個理由都好挑釁性啫！日本一直覺得自己嘅足球已經脫亞入歐，今次南韓仔居然嫌自己唔夠班打熱身賽？相信下次兩隊喺國際賽對面嗰陣，又添加一個仇恨喇！