藝人之中，容祖兒牙齒印似乎特別多，曾先後與她有「過節」的曾志偉和梁思浩，因為港台頒獎禮走埋一齊，近日頭頭碰着黑的祖兒難免成為揶揄目標，兩人唱雙簧以「做司儀傾返嚟」、「整容」等做話題。當楊千嬅表示飾演賣魚婆「扑魚頭」最難時，志偉即說：「扑魚已經殘忍，何況扑個人」，又稱做司儀最緊要「頭骨硬」，明顯有弦外之音。
去年曾志偉接受港台頒獎禮邀請做嘉賓論盡該年度娛樂圈新聞，今年他又與楊千嬅、梁思浩、DJ貴花田等齊齊做本月27日舉行的港台「十大中文金曲」頒獎禮嘉賓主持，沒有到場的千嬅則接受電話訪問。
千嬅要買安全帽
志偉近日因為揶揄容祖兒「傾獎」，日前英皇老闆楊受成為祖兒出頭，斥志偉大蝦細，同場的梁思浩，則曾於01年在《歡樂今宵》反串扮祖兒搞至滿城風雨。昨日兩人和千嬅做電話訪問時，志偉不避忌用自己曾被扑頭一事做話題。
志偉問千嬅：「你𠵱家拍戲做賣魚，覺得最難做係乜？」千嬅答是「扑魚頭」，志偉又說：「係囉！扑魚已經殘忍，何況扑個人。」千嬅即警覺地說：「講呢個冇事㗎嘛？」梁思浩隨即在旁安撫：「冇事，加埋『邊個』就有事喇！」
千嬅取笑志偉口臭易惹禍，她說：「平時睇選美，見佢做司儀都會諗，如果同佢合作使唔使戴安全嘢保護自己，例如工業用嘅帽。」
志偉和思浩不時唱雙簧，明顯有弦外之音。思浩謂跟志偉會分別負責攻擊不同東西，DJ李志剛插口：「俾唔同嘢攻擊囉。」思浩表示做司儀口材要犀利，骨頭也要硬，志偉接口說：「最重要係頭骨硬。」
思浩問貴花田說：「你可以同志偉合作係咪傾返嚟㗎？」跟着又取笑貴花田整容，志偉便答：「做司儀最重要係真，如果整到假成咁就慘喇﹗」
不怕與祖兒同台
事後曾志偉被問及頒獎禮時會否要求不要和容祖兒同台出現，他說：「唔會，兵來將擋，又唔係一次半次，任何一個人都唔當一件事。當日嘅稿未知都未度。」問二人到時會否傾偈，志偉即避話題：「好，講完。」同場又公布林子祥、劉德華、李克勤、古巨基和陳奕迅合唱頒獎禮主題曲《流金頌》。
採訪、攝影：王連連
