草蜢、陳奕迅、方大同及胡琳等前晚在將軍澳電視廣播城錄影《勁歌金曲》。草蜢早前與港姐徐淑敏及陸詩韻等為《慈善星輝仁濟夜》表演拉丁舞，蔡一智的手托到徐淑敏胸部，蔡一傑則用手拍打陸詩韻屁股，但二人前晚齊聲否認，阿智說：「我掂到會痛㗎，因為我隻手個幾月前整親，係角度問題啫。」蔡一傑則說：「係對方攬住我，點解顛倒是非㗎。」蘇志威得戚笑說：「搞錯，點解我冇份㗎？」
懷念舞台三星
三人稱女方沒有投訴，阿智補充說：「我哋唔鍾意呢啲嘢，我哋對女性唔多好奇，仲諗住喺演唱會都跳㖭，𠵱家要諗吓先。」蔡一傑即說：「都可以跳，唔好諗港姐囉。」似暗示事件是幾位港姐搞出來，阿智又說：「我覺得唔關三個女仔事，我相信佢哋。」
此外，草蜢日前為商台節目錄音的片段於昨日播出，他們稱有巨星梅艷芳做師傅，而且又與羅文和張國榮相熟，所以三人在他們身上獲益良多，蘇志威說：「好記得同哥哥（張國榮）打麻雀，佢食親糊都會唱幾句大戲，幾得意。」蔡一傑則被羅文改花名，他說：「我同籮記friend啲，佢成日幫我改花名㗎！」三人均於前輩身上取表演靈感，故每個舞台動作也有他們的影子。
採訪：楊潔雯
攝影：仇志德
