鄭智加盟查爾頓後到底着幾多號波衫？球會官方網曾有兩個版本，一個係喺球員檔案度寫1號、但官方消息一欄又話佢着9號，最終落實做9號仔，總算似個正選冧把吧。講番小鄭抵英後大獲好評，領隊柏度對其體能及身材都讚不絕口，更不忘幽倫敦對頭阿仙奴一默，話鄭智喺英國嘅適應力好過雷恩斯同施根！英國人講嘢果然充滿智慧噃！