兩個人一起，是緣份也是時間上的投資，模特兒姚書軼（Mikki）坦承把最好的投資放到男友Sunny身上，Sunny也決定將多年的模特兒事業變為兼職，下決心當基金經理求收入更穩定的生活，Mikki理所當然成為男友的第一個客戶。
曾為電影《達文西密碼》（TheDaVinciCode）設計解碼器的張王幼倫，其珠寶店Carnet前晚在中環舉行開幕活動，出席名人嘉賓如車輪轉，同場由名模姚書軼率領其他模特兒示範瑰麗珠寶。
羨慕子淇
Mikki示範這麼漂亮的設計，透露自己也心思思加入設計大員行列，問她是否希望在結婚時親自設計首飾時，她說：「你估個個都係徐子淇咩？」記者即指她也不差，有靚仔男友Sunny，她聽罷即笑說：「咁佢嗰個（指徐子淇夫婿李家誠）都好好、佢好幸福呀。」問她心目中幸福的定義是怎樣？她說：「可以同另一半好好、好穩定咁相處，就算平平淡淡已經OK啦。」
先賺後跌
Mikki又透露男友Sunny已轉行做基金經理，早前已考獲基金經理牌照，以後只會兼職形式做模特兒，她說：「我都好贊成佢作出呢個決定，我都想自己個伴有份穩定嘅職業，我哋喺得一齊就想有將來，我就係佢第一個客啦，初初賺咗少少，呢排又跌番啲，不過我係睇長線投資嘅。」問她是否也把最好的投資在Sunny身上，她哈哈笑說：「係呀。」
此外，霍震寰太太陳琪琪被問到丈夫有否送名貴首飾時，她笑而不答，記者笑問「徐子淇都有、你點會冇？」她即說：「點同呢，徐子淇咁靚咁後生。」
採訪：GeneNg
攝影：ChenWaiOn
