現代嘅愛情態度，合則來不合則去，結婚？咪搞！正因為呢種態度，好多人都會選擇同居，分手時拍吓手就走得，唔使搞手續咁煩。但我腦海中經常出現一個問題，就係喺相學角度，有夫婦之實係咪代表結咗婚？上網見有位網友正為師傅嘅一句話而煩惱，師傅話佢將會遇到位有老婆嘅男人，佢諗緊究竟呢位男人係真係註咗冊結咗婚定係同緊居呢？咁究竟以現代嘅角度，點樣為之結咗婚？方海閱師傅話，古時嘅人結咗婚先有夫婦之實，喺當時嚟講拜堂就已經代表結咗婚，有冇夫婦之實已經唔重要。不過𠵱家嘅相學角度都跟住潮流走，同居超過一年先算結咗婚，所以即使你係花心蘿蔔，晚晚玩OneNightStand，你都唔算結咗婚，放心！
記者：區佩嫦
網址： http://www.uwants.com/viewthread.php?tid=3227214&extra=page%3D1