無綫重頭劇《歲月風雲》前晚在中環蘭桂坊拍攝一場回歸倒數的慶祝場面，王敏德7年沒有接拍無綫劇集，一接就艷福無邊。前晚宣萱和王敏德這對劇中戀人為拍攝《歲月風雲》而在街上拍拖倒數，忘形時更情不自禁地擁抱親面頰錫嘴，場面溫馨浪漫，但卻被暗戀宣萱的馬德鐘發現，搞到他神情失落。
遭圍觀發𤷪𤺧
王敏德和宣萱前晚先後在街上兩個位置拍攝親嘴鏡頭，引來大批遊客圍觀，有外籍途人更歎謂：「Oh！theykiss.」但未有影響二人投入演出，且一take過完成。宣萱稱除開工外很少會到蘭桂坊夜蒲。問宣萱公開拍攝咀戲可會感到尷尬，她說：「好濕碎啫，好多時拍劇都有，但自己就真係好少嚟玩。」
王敏德今次與宣萱在街頭拍親嘴戲，他興奮地說：「好開心同靚女kiss囉，但頭先太多人，都有啲𤷪𤺧㗎，後來都叫自己放鬆啲，因為呢場戲係臨時加kiss。」由於王敏德不太會讀中文劇本，令他拍攝初期大感壓力，後來得宣萱教他中文，才逐漸適應。
採訪：卓寶花 攝影：陳慧安
