方力申（Alex）昨日到商台宣傳新歌《大細心》，有報道這首由雷頌德作曲的作品，涉嫌抄襲鄭伊健的舊歌《愛情歲月》，Alex表示不知道兩首歌曲是否相似，但會主動找雷頌德了解，他說：「今次反而係好事，因為我啱啱出碟，可以當宣傳。世界上會有好多嘢相似，每一代人都會受每一代最叻嘅人影響，相似都唔奇。」
歌迷變心
方力申表示由於已一年沒有出碟，擔心歌迷不習慣而影響銷路，他說：「諗番初入行攞完新人獎之後，足足一年冇出碟冇攞獎，連啲歌迷都過檔去咗捧Shine，當時我出席活動見到啲fans同佢哋打招呼，佢哋有啲尷尬，我上到台見到佢哋原來企喺Shine嘅旗海當中先至知，不過我唔會介意。」
採訪、攝影：張俊銘