網名「我係普通職員」的網友天生一張Babyface，他說與女朋友行街拍拖時，像與家姐出街，雖然可愛娃娃臉受女生歡迎大家「玩得好埋」，「但到頭來原來佢哋只係當你細佬，搞到好無信心追女仔，Babyface男仔真係幾麻煩！」
Yoman也說娃娃臉難搵女朋友，「只有好多女仔朋友，都唔知好定唔好。」小玲指Babyface男仔很可愛，「我契哥17歲，我14歲，但出街時啲人以為我大過佢，人哋以為我18歲㖭。」阿虎自言是「babyface到死嗰啲人」，他說由於自己樣子可愛，容易令人有親切感覺而很受朋友歡迎。阿基也是娃娃臉男仔，他認為應順其自然，「我完全唔介意囉，因為人的一生本來就分好多階段，你個樣生得後生咪玩多幾年先囉。學吓點樣成熟處事先啦，如果學懂了就唔會介意自己個樣幾細㗎嘞。」