英超球會雷丁陣中嘅美國中場干維，近期就黑仔啲，受傷頻頻，累到專程由美國搭飛機睇佢嘅家人差啲撲個空！干維喺球隊之前對曼聯同車仔時都倦勤缺席，屋企人橫渡大西洋老遠去英國睇波，差啲就白走一場，好彩雷丁周二喺足總盃主場贏般尼3:2時，干維復出有落場，戲碼係弱咗啲，但終於一飽家人眼福，而球隊又贏埋，不枉家人搭咁耐飛機去支持佢啦！