袁詠儀（靚靚）為丈夫張智霖誕下的小B仔，至今已近兩個月大，但去年小B仔仍未出世，已經跟他的影后媽咪和影帝劉德華結戲緣，簡直是非一般BB。
去年靚靚挺着大肚子演出陳可辛監製、爾冬陞執導的電影《門徒》，與飾演大毒梟的華仔扮夫妻，劇情指她已是兩女之母，正懷有「第三胎」，故華仔要奉旨暫代張智霖做BB老竇。
每日限拍三場
拍攝期間，靚靚曾隨隊到泰國拍外景，爾冬陞特別下令她每日只可拍攝三場戲，反而靚靚表現堅強，形容懷孕拍戲的感覺是多了一個親密戰友，她說：「有時我拍戲好激動嘅時候，佢都有反應，覺得好似同我一齊做緊呢場戲咁，呢個感覺好得意，我會好好咁記住。」
靚靚更稱自己與曾大肚接拍西片《毒網》（Traffic）的荷李活女星嘉芙蓮薛達鍾絲（CatherineZeta-Jones）所演角色有得揮，華仔還指有次他摸着靚靚肚子演戲，也能感覺BB反應，使他加倍入戲，認真厲害。
撰文：葉雪
