古巨基前晚與容祖兒在銅鑼灣出席「JuicyLemon加州紅903黃金組合祝捷會」，宣布兩人合作推出的音樂會DVD定單已達三白金，兩人將香檳倒進獎盃內作狀同飲。
父母追問婚事
基仔最近橫掃各大樂壇頒獎禮，事業得意，最新一期《壹週刊》更指他欲與助手兼緋聞女友Lorraine購買比華利山別墅，準備結婚。昨日基仔接受電話訪問時承認有睇樓，他說：「我係有去睇樓，但都未到適婚年齡，冇啲咁嘅打算。連我父母睇到雜誌都打嚟問我做乜結婚唔請佢哋飲，點解佢哋唔知喎。」
對於被指與助手苦戀12年，基仔說：「呢單緋聞由我出道傳到𠵱家，簡直可以放入博物館，大家唔傳到口水亁，我都答到口水亁。不過阿Q啲諗，我都賺咗個長情形象，真係唔該晒。」
最近祖兒因抄裙事件遭不少網友抨擊，昨日有讀者電郵至本報投訴，指摘祖兒此舉等同侵害知識產權，又稱接連有歌手及作曲家有抄襲行為，質疑港府是否也應對他們採取行動。
而新浪網舉辦「樂壇民意指數2006」暫有14,000位樂迷投票，我最喜愛女歌手由得5,000多票的楊千嬅帶頭，祖兒第二，衞蘭第三。男歌手則是基仔以逾7,000票領先，陳奕迅與劉德華緊隨其後，基仔的《愛得太遲》及唱片《Human我生》在至尊金曲及至尊大碟獎中領先。投票結果於本月29日公布。
採訪、攝影：馬建華
