薛凱琪（Fiona）的緋聞男友房祖名，日前被本報拍得一拖四女到蘭桂坊Volar夜蒲的照片，昨日Fiona與關楚耀在銅鑼灣出席「博愛醫院第二屆寵物嘉年華」記者會，她聞言竟嘲笑祖名說：「我覺得段新聞寫得佢幾好，寫到佢咁受歡迎，其實佢心底裏應該好開心。」
對於房祖名拖着「大碼鄭融」去廁所兼在廁所門外守候，帶酒意的他還充當司機，Fiona說：「我自己識得去廁所，就算前面有人，我都識得推開，可能人哋個女仔弱質纖纖呢！不過我知道佢唔會飲完酒揸車，可能佢玩得開心得滯，個樣似飲醉酒。我係中西區安全大使，如果我發現佢飲咗酒揸車，我第一個舉報佢。」
問Fiona會否勸祖名不要經常夜蒲，她說：「我唔會管朋友，我哋只係朋友，藝人形象應該睇佢嘅工作態度。藝人好大壓力，周末去玩唔算影響形象。」
難向母親交代
另外，祖名接受商台訪問，表示當晚只是去喝東西，除了助手外，其他女孩子都是當晚才認識，今次被記者撞個正着，他表示不擔心，只是不知如何向母親林鳳嬌解釋，但他表示沒可能跟母親說下次不去酒吧。
採訪：魯萍 攝影：仇志德
