林子萱噚日去商台接受訪問，只見佢用衞衣嘅連身帽笠頭，原來佢最近有脫髮危機。林子萱話：「唔知係咪最近為咗頒獎禮，成日試唔同嘅髮型，開始有少少甩頭髮。髮型師發現我左額角髮線愈嚟愈高，仲有停止生髮嘅迹象。醫生話我可能有無形嘅壓力，但我又唔覺自己有壓力。我諗住試吓用威士忌搽吓，醫生就叫我做瑜伽。」