茶水間，婉冰見達基愁眉苦臉，問何事。達基苦笑：「頭先試車，NoFun到震！」婉冰奇怪道：「試乜車咁NoFun？」「DUCATI749S，不過唔關部車事。」「咁關乜事？」「關條路事。」「關條路乜事？」「DUCATI749S有電單車中的法拉利嘅朵，但條彌敦道鬼死咁多車，我一身掟彎技術無從發揮之餘，仲俾架垃圾車喺後面呠㖭，正宗驥服鹽車，超無癮！」「其實唔關條路事。」「咁關乜事？」「關你個腦事，明知MK多車㗎啦，邊有理由去彌敦道試呢架電單車㗎，低能仔！」
文：尉遲一
解說：
見《戰國策˙楚策四》：「夫驥之齒至矣，服鹽車而上大行。」日跑千里的良馬，不作戰馬，卻要屈就拖拉鹽車，以比喻大才小用或才華被埋沒。