成龍生性風流，一向崇拜父親的房祖名，也受到父親的影響，經常夜蒲媾女，又頻頻與合作女星傳緋聞，莫非真是有其父必有其子？臨床心理學家葉妙妍說：「心理學上有一個人嘅行為叫modeling，即係模仿，做子女嘅會有意識或冇意識地向父母學習，例如講說話、同家人相處、溝通等，都會不自覺地學習到。」
成龍蜚聲國際，在圈中身份地位崇高，又是娛樂圈中的成功例子，這些都會令兒子更加視父親為學習對象，葉妙妍說：「人對伴侶行為是否專一、父母嘅行為道德標準，尤其係父母屬於成功人士，會加深子女不自覺地學習嘅機會，但係最重要嘅係睇吓子女接唔接受呢個訊息，同佢哋自己嘅睇法。」