前特區財爺阿松當年有句金句：「賺到嘅錢唔係你嘅，使咗嘅錢先係你嘅。」但我求大俠就覺得佢講漏錢仲要使得其所呢一句。好似車路士行政總監簡安月薪高達12.5萬鎊（約187萬港元），但剪個頭髮埋單計數港紙105蚊啫！其實大家都知簡安頭頂幾乎光晒，就算幾有料嘅師傅都無用武之地，平平哋百零蚊剪個頭，咪叫使得其所囉！