謝賢（圖一）日前親口證實新抱仔張栢芝（圖二）有咗三個幾月身孕，噚日接受商台電話訪問時，佢一講起就嚟做爺爺就開心到不停哈哈大笑，佢話：「最開心覺得兩個後生仔咁鍾意細蚊仔，佢哋得閒又錫吓，得閒又攬吓，我喺旁邊諗：『睇你哋好得幾耐！』」講到栢芝嘅近況，四爺就話據知栢芝一日瞓成16個鐘，果然養尊處優。
