達基最愛駕駛SubaruLegacyTouringWagon行走高速公路，貪2秒時間就可享受到瞬間爆炸力帶來的「推背」快感，同車伊琳一瞄咪錶，冷汗直標：「喂，阿靚佬，就嚟超速喇，收收油好喎！」達基滿臉自信，繼續踩油：「唓，大直路驚乜Q吖，再揸快啲都仲得呀！你睇吓前面部錢七，揸得仲快過我啦。」話口未完，前方架錢七失控，打了個白鴿轉擱在路邊，嚇得達基連忙收油，伊琳望着倒後鏡說：「唉，名副其實後車之戒，有辦你睇喇，以後記住呀，咪亂開快車呀！」
文：慰遲一
解說：
見《隋唐演義》第五十二回：「孤當初不聽先生們之諫，致有此難，將來後車之戒，孤當謹之。」前車覆，後車引以為鑑，喻先前的失敗是個教訓，可當作日後的借鏡。