由彭氏兩兄弟監製，李璨琛、江若琳及阮民安（Tommy）主演的電影《嚇死你》前晚在深水埗一間麻雀館舉行拜神開鏡儀式，製作人員為增加驚慄氣氛，特地奉上炸好的蟲予幾位演員試食，李璨琛一見到即面容扭曲，頻呼好驚，反而Tommy及江若琳表現雀躍，還放入口品嚐，他們笑說：「感覺似食薯片。」
被追債轉性
日前李璨琛的前度女友Carrie大數李璨琛，指他花心爛滾，李璨琛對此說：「聽完啲報道都覺得莫名奇妙，冇諗過相隔3年仲攞返出嚟講，當年分手係唔開心，但偶然喺街撞到都有打招呼，今次件事唔需要平反，希望佢開開心心，盡快忘記我。」
此外，早前在澳門被大耳窿追債挾持回港的Tommy，事件相隔七個月，Tommy才正式復工，他說：「我會珍惜機會，唔希望再令校長（譚詠麟）或任何愛錫我嘅人失望，我𠵱家已經戒煙同戒酒。」
採訪：馬建華 攝影：陳偉權