年尾網上特別多預言，噚日講過黃保羅凡第斯嘅預言，今日搵到個中國高僧嘅世界末日預言（2008至2030年），邊位高僧？Sorry無人講得出，個個網都只係Post段料出嚟。個預言講出末日前嘅大事，仲講到發生嘅年月日，係咪咁準先？
先講最近嘅2008年，3月26日，美國總統喬治布殊會被朱古力餅噎死；同年4月1日，阿諾舒華辛力加成為新任美國總統，仲將《TheTerminator》定為美國國家電影！睇到呢度已經笑爆肚，再繼續睇2015年嘅預言，話說6月6日，北韓進行核彈試射，彈頭經過華盛頓海外水域時被擊落，因此成為第三次世界大戰的序幕；同年6月8日，中國加入調停，北韓竟向中國發射導彈，其中一顆擊中香港及澳門，從此香港和澳門就喺地圖上消失。各位，若果你信嘅話，記住2015年要去外國避一避啦！不過有相士話我條命唔止去到2015年，咁我應該信邊個好呢？我覺得呢個預言都係得啖笑！
記者：區佩嫦
網址： http://www.catcatforum.com/discuz/viewthread.php?tid=573606&extra=&page=1