德甲聯喺今個月26號就會重開，其中拜仁慕尼黑（圖）及史特加就揀咗去阿聯酋杜拜練兵同踢友賽，但齊齊喺禮拜一輸波（拜仁喺12碼輸畀葡超賓菲加3:4，史特加以1:2不敵阿聯酋國家隊）。相反喺土耳其集訓嘅雲達不來梅就威得多，大炒比錫達斯4:0，當中曉高艾美達更梅開二度；佢哋連友賽都開入球「大」，不愧為德甲嘅入球「大」之王。