購物狂是心理病，學名為「病態性購物」。臨床催眠學家連峻指出，治療時要針對購物狂的成因，然後進行心理及行為治療，甚至催眠。他說，一般購物成狂原因，大致可分為自幼養成愛購物的習慣、心理補償及透過購物得到自信等。
港求診個案都是女性
連峻說，治療方法可以是封鎖經濟，但要找家人協助：「將薪金扣起生活開支，剩下嘅錢交畀家人保管儲起，唔好有多餘嘅錢買嘢，親友亦唔可以借錢畀佢；要循序漸進，第一個月收起金額可以少啲，之後慢慢增加。」
他續說，某些購物狂因購物才得到友誼或自信：「反映呢種人嘅人際溝通有問題，可能買嘢或者買名牌先至係朋友之間嘅話題。佢哋要接觸多啲唔同層面嘅朋友，參加多元化活動，令佢哋喺生活中，唔好只識買嘢。」
中文大學精神科學系教授李誠指出，外國研究發現，出現病態性購物情況，佔整體人口中2%至5%，但香港沒有相關數據統計。
李誠指，購物狂的症狀通常在青少年或成人早期出現，他說，本港臨床求診個案中，所有求診者俱為女性，並通常在出現病態性購物症狀一段時間始懂求醫。
新聞資訊研究組