上屆英超冠軍車路士呢期成績唔好，英國《太陽報》指領隊摩連奴教埋今季就要執包袱，由俄羅斯國家隊教練軒廸克接任。《太陽報》嘅料，我求大俠不嬲都只會信一半，而俄羅斯足總亦發聲明話唔會放軒廸克走，但諗深一層，車路士同俄羅斯國家隊背後都係靠同一條水喉──「油王」阿巴莫域治，所以呢單料都未必流得晒，值得拭目以待。