05年大派花紅嘅好日子，已變成回憶咁滯，但踏入07年第1個月，即刻有單令打工仔振奮嘅消息公布，戴德梁行會將3000萬港銀嘅英國上市控股公司股份，送畀70至80個香港、台灣、同內地嘅管理層。
戴德梁行亞太區主席梁振英話，舊年12月同英國上市嘅控股公司換股，賣出自己手揸嘅70%港台同內地股權，變成控股公司最大個人股東，希望透過「僱員股權送贈計劃」，等員工有更大嘅動力做嘢。梁振英𠵱家總共持有控股公司逾4.6%股權。
梁振英同四個股東李志榮、趙錦權、黃錫興同張國正，共送出1500萬股份，但喺第3年至送出；其餘由控股公司送出嘅，分3年平均派發。據聞香港研究及顧問部董事陶汝鴻，係其中一個攞到股份。