戀愛中的女人，拍拖時間長或短心態各有不同，投資青春愈久自然愈着緊。與男友步向七年之癢的名模Mikki（姚書軼），笑言以前當這四字成語是傳說，現在才知道不能掉以輕心。另一模特兒洪華與排舞師男友Sunny剛發展數月，她直言結婚與否對她來說並不重要。
名模Mikki及洪華（Angela）昨日往中環文華酒店示範水晶品牌Swarovski最新系列，這系列名為流金歲月（SandosofTime），創作元素以土、氣、火、水及古時候洞穴的壁畫為靈感，極為火亮耀眼。
Mikki及Angela的男友的洋名都是Sunny，問Mikki如果男友送她水晶戒指求婚，會否答允？她說：「九成唔制呀，水晶我自己都買得起啦。」她指與Sunny拍拖首年，對方已送鑽石戒指，令她喜出望外，豈料第二年已「食白果」收不到鑽戒。兩人拍拖不經不覺已六年，今年踏入七年之癢，Mikki說：「以前聽呢四個字以為係傳說，點知啲朋友同我講，叫我咪當笑話，好彩Sunny咁多年都冇乜變。」
洪華死跟男友
另一模特兒洪華的新歡是譚小環前男友、排舞師Sunny，記者指Sunny過去紀錄花弗，工作上又常常見到靚女，問她是否擔心？洪華說：「每個人都有過去嘅，我覺得佢OK呀，花弗係啲緋聞啫，佢工作成日接觸靚女，我工作上成日見到靚仔啦，佢𠵱家為工作周圍飛，有時我都會做跟得女友陪佢，不過我哋都係拍咗幾個月拖啫，我自己嘅性格其實結唔結婚都冇所謂嘅。」
採訪：JessicaNgan 攝影：EdwardChou
