噚日對利物浦後衞加歷查嚟講係一個大日子，事關10年前嘅1月8號，佢首次代表利物浦出賽。事隔10年，紅軍日前決定為加歷查搞紀念賽（日期、對手待定），認真巴閉。求大俠覺得紅軍咁做係啱嘅，家陣球壇利字當頭，唔係個個都認同忠臣不侍二主，肯忠於一間球會10年。雖然啱啱場波畀亨利爆過，輸1:3嗰球負好大責任，但加歷查仍然值得表揚嘅。