【本報訊】昨日旺角發生小巴車門夾着女童頸巾引起的奪命車禍，其實冬天用作保暖的頸巾，過去在內地及澳門也釀成最少兩宗嚴重交通意外，冬天服飾造成的潛在危險實不容忽視。
頸巾應攝入外套內
「小朋友更加要注意衣着嘅安全，唔需要複雜。」《Baby親子雜誌》總編輯伍妙敏提醒家長，為子女挑選服裝或穿衣時，應以安全為大前提，不要盲目追捧潮流。
伍妙敏說：「部份家長忽略着衫嘅安全性，買畀子女嘅衫，會有好多裝飾，其實小朋友啲服裝，唔應該有咁多外露嘅物件，頸巾都唔能夠咁長，最好將頸巾攝入件外套內，唔怕勾到其他物件引起意外。」
理工大學紡織及製衣學系副教授區偉文指出，在嬰兒、幼兒及兒童服裝設計上，要特別注意安全問題，特別避免衣服有長線和長繩等，否則容易纏着頸項引致窒息。
頸巾在冬天是保暖恩物，但區偉文認為有潛在危險，不建議小童使用：「唔好講交通意外，平時同其他小朋友玩嘅時候，如果條頸巾本身繞咗一個圈，俾人扯住末端，愈索愈緊，令佢呼吸困難，咁樣好危險。」他認為天氣寒冷，很多家長擔心子女頸項入風，但保暖未必一定要用頸巾，市面上有不少企領連帽的外套，也可達到相同效果。
港九新界公共專線小型巴士聯合總商會主席梁雄昨日表示，乘客因為服飾問題而被車門夾着拉倒的意外，在夏天較為少見，「通常冬天先會見到，因為啲人嘅褸厚啲、『論盡』啲。」
揹背囊下車要小心
他說，除了服裝問題外，乘客的手提袋也是意外頻生的原因之一：「最常見係夾住背囊或者背囊扣，因為個人落咗車，唔記得個袋仲喺後面，因唔到位；其次係拎住好多個購物袋，落車時夾住一、兩袋都唔奇。」
