近日忙於出席各大小頒獎禮的吳雨霏（Kary），日前抽空與歌迷到大潭燒烤，Kary說：「歌迷會由6月（指去年）成立開始，一直都有舉行活動，我一有時間就參加，今次佢哋搞BBQ，我就去輕鬆吓囉。」
擁抱流浪犬
難得與歌迷近距離接觸，Kary便與他們大玩特玩，她說：「其實我好想坐快艇，每年夏天我都會去玩wakeboard，但舊年太忙冇落過水。我都有打籃球，我以前係籃球校隊成員，呢次可以喺fans面前一展身手。」
其後Kary在燒烤場發現一隻剛出世的流浪犬，即抱牠入懷中，她說：「我屋企有一隻1歲多嘅拉布拉多犬，佢個名叫Dash，佢好似超人特工隊個BB咁成日跑嚟跑去，我都好想收養呢隻狗仔，咁佢就可以同Dash一齊玩啦。」
撰文：葉雪
