每年運程書一出，總會成為書局及書報攤的暢銷書之一。據統計，每年運程書的總銷量便達50萬本，當每本平均$40計（書價由$38至$58不等），單單是運程書的營業額便達二千萬，的確誇張。講番運程書，好多人忠於特定作者，但有不少人每年都會買多於一本嚟互相參詳，究竟網友至Buy邊個玄學家呢？有六成網友Buy蘇民峰，認為佢講得準，其他人分別捧李居明、李丞責、麥玲玲和楊天命，網友pp3362就鍾意楊天命，認為佢會細分出各生日，並會對五行強弱作分析，夠晒細心！而你又鍾意睇邊本運程書呢？趁豬年未到，快啲買嚟研究研究啦！
記者：區佩嫦
網址： http://failforum.net/forum/viewthread.php?tid=343178&extra=page%3D1