男人最細心嘅時候係幾時？當然係追女仔嗰時啦！好似曼聯「狂牛」前鋒朗尼咁，就屬於場上粗野發癲，場外細心周到嘅人。佢最近喺美國佛羅里達買咗個3房單位，相信要使成30萬鎊（約451萬港元），方便未婚妻高蓮個智障妹妹去美國廸士尼玩嗰陣有個落腳地，唔使住酒店咁麻煩。真係估唔到朗尼連未婚妻個妹妹都照顧得咁周到，真係一個好男友喇！