「身為公務員的你覺唔覺得政府勁唔環保？」公僕靚蝦王星期六放假，在家上網時有感而發為地球將來講句公道話，「我個部門印嘅06年年曆卡、06年服務承諾，仲有N年前的過期宣傳小單張、小冊子，堆滿成間房都冇人理，我諗犧牲咗幾十棵樹。」
港府02年起實施中央用紙分配制度及文件電子化，又鼓勵用環保紙，不過網友moroswing踢爆這些措施「得個講字」，「我部門真係燒紙咁燒，一個下午可以用三大叠紙。」淺滄南稱其部門去年推行電腦化，以為可減少用紙，怎知耗紙變本加厲，「因為要留個副本存檔，連改一隻字、大細楷、一個符號，都要印一張副本存檔，用紙多到嚇死人。」他怕殺樹太多有報應，「下一世真係要做樹咯。」
網友control228與聾耳陳均指，「老一輩阿頭一定要hardcopy，如果有5個上司，即係要印5份。」公務員批評減少用紙措施不彰，不過官方資料卻指控制耗紙量成效顯著，02年至04年總耗紙量減少13.4%，預計本年度可再減低耗紙量12%。