上周，恒指大上大落似坐過山車，「五行三保」更加引發唔少散戶心臟病發，尤其國壽（2628）A股明天掛牌，究竟今日佢會偷步炒上，抑或靜靜地等待黎明？
網友精英大師喺《公眾投資168綜合論壇》揚言，有可能出現反高潮，「國壽呢水18蚊升到28.85，都係炒A股上市，當A股上場個消息就玩完，國壽要再升，又要靠另一個消息炒作。」
A股掛牌 或反高潮
不過，睇好A股上市會刺激國壽再上高峯嘅網友都唔少，羊太上周五已經留言話：「我噚日同個朋友傾偈，佢話因為A股就快掛牌，今日要喺低位買國壽。」大四喜亦話：「就係驚9號，國壽A股上市太瘋狂，所以加準備金，冷卻吓先。」
國壽上周三曾經一度升至28.85元高位，但其後連續兩日調整，東泰證券研究部董事鄧聲興說，若一直沒有調整，A股上市時國壽下跌機會便會大增，因為投資者會趁好消息出貨；但既然上周已有調整，若國壽A股升逾暗盤價30元以上，H股回升至28至29元水平並非難事。
他指出國壽日後走勢要視乎A股市場表現，因為除了保險業務，國壽有很多來自A股的投資收入。由於A股才進入牛市，相信升勢可維持一兩年，故國壽中長線仍看好。