陳冠希（Edison）入行以來與無數女星傳過緋聞，唯一肯公開承認的，只得楊超成18歲女兒楊永晴（Vincy）。Edison前晚又發表愛的宣言，揚言「我哋兩個都愛大家」，更謂要搵夠2,000萬美元（約1.56億港元）才結婚。不過，幾時都係真愛比錢重要，Edison應該戒蒲戒媾女先真。
運動品牌Nike前晚在中環七號碼頭，舉行慶祝AirForce1的25周年派對，請來世界級DJBobbitoGarcia、霹靂舞組合TheTokyoB-boyzAllStars等演出，吸引大批年輕藝人捧場。
發表愛的宣言
陳冠希曾與Nike合作，前晚他戴着綠色冷帽，與Nike幾位設計師、「潮人」藤原浩等浩浩蕩蕩入場，各自拎住相機大玩snapshot，Edison更不停做C字手勢，他解釋說：「C字代表我公司Clot，今年三周年喇。」他續說：「我𠵱家七、八成時間做公司嘢，兩成畀自己打吓籃球、去吓海灘、陪吓女友，Vincy之前返香港我都陪佢，呢四、五日我坐喺office做嘢。」
Edison又謂以其Clot潮流產品公司生意為先，音樂、電影方面隨緣。問到他與18歲女友Vincy何時結婚？Edison認真說：「我哋兩個都愛大家，尊重大家，都相信大家，對彼此有信心，𠵱家未係時候住，因為我想搵多啲錢，穩定啲先！」要多少錢才算穩定？他說：「我希望搵到2,000萬美金（約1.56億港元）先囉，同埋想公司再擴充，總之目標係亞洲區內，有中國人嘅地方就有我嘅舖頭。」
企街煲煙癮大
不過口口聲聲要努力工作的Edison卻把握時機夜蒲，他玩到凌晨後，即盡地主之誼，駕駛其七人車送藤原浩返四季酒店，整車男男女女轉場到中環藝穗會樓上的酒吧。眾人玩了一個小時後，由Edison帶頭落樓下，原來他煙癮起，新例室內禁煙，他抵着寒風站在馬路邊，連環扯了兩、三支煙，看來煙癮甚大，之後繼續夜蒲，玩完才返回馬己仙峽道寓所。
採訪、攝影：GeneNg、EdwardChou、娛樂突發組
