官恩娜及薛凱琪（Fiona）昨日到屯門擔任「精明防騙齊心滅罪耀屯門」表演嘉賓，官恩娜剛從台灣拍攝電視電影返港，她講及台灣大地震時正在拍攝，她說：「地震時我喺高雄一座樓入面拍戲，我驚到捉住個男演員隻手唔放。」
薛凱琪認錯
官恩娜又指有一次餘震正在酒店房內，她嚇得僅穿着一件及膝的長T恤便跑到街上。對於其緋聞男友吳卓羲早前夜蒲被指翻𠝹梁靖琪一事，官恩娜表現得十分抗拒，並說：「佢啲嘢我真係唔會再答、唔再講。」
此外，有網友批評Fiona於叱咤頒獎禮上以英文致謝辭，Fiona解釋當時因為過份激動所以說了英文，她說：「我平時喺屋企祈禱係講英文嘅，所以嗰一刻就講咗英文，喺我立場講到一口流利國語同廣東話先係勁，我唔係特登要講英文，下次我會講感謝神㗎啦。」
採訪、攝影：李珮洳