「佢哋兩父子都英年早逝，十分可惜！」去年11月涉嫌私藏武器案中，警方搜去佳哥幾副李小龍簽名版雙節棍，令老人家一直耿耿於懷，日前佳哥跟記者談起故人往事，首次披露當年電影《死亡遊戲》中的經典黃色戰衣，正是兩人合作設計，今日睹物思人，感慨非常。只是佳哥更疼惜這位武打巨星故友跟獨子國豪，竟如中了命運魔咒般於1973年及1993年，在20年內相繼死於非命，悲歎造物弄人。
「佢嚟搵我傾功夫經」
「60年代尾，李小龍由美國返香港試闖影壇，佢由道具人員處得知我嗜好武術，經常上嚟舖頭搵我傾功夫經，仲要我特製一副雙節棍畀佢！」40年前故人往事，佳哥細說從頭，當年一個是酷愛泰拳的體育用品公司東主、一個是精研詠春，自創「截拳道」武林高手，武術把兩個武癡拉在一起結成莫逆。
「其實我從未跟佢打過一場！」佳哥澄清早前報道指他曾跟李小龍進行比武，並說拍罷《唐山大兄》及《精武門》竄紅影壇的李小龍未脫親民作風，仍多次到旺角店舖找他談論練武之道，「佢有次帶埋外籍妻子蓮達及幾歲大的兒子國豪到來。唉，死前（李小龍）一個禮拜仲有嚟！」
「佢拍《死亡遊戲》之前曾經攞件黃色連身戲服嚟，叫我幫佢用貼身物料製造，當時個設計係成件戲服全黃色，我就建議中間加上黑色條紋凸顯佢嘅肌肉線條。」結果建議獲巨星接納，這套視為李小龍遺作的電影大賣，黃色緊身戰衣成為繼雙節棍外，李小龍電影中另一經典標記。
4年前，荷李活鬼才導演昆頓塔倫天奴執導電影《標殺令》（KillBill），飾演殺手的女主角奧瑪花曼戲中穿着的正是這套黃底黑間經典戲服，亦再次掀起全球另一股李小龍熱。
1973年故人去世，佳哥把這副有李小龍簽名精鋼製造的雙節棍改以塑膠複製放在店舖售賣，多年來銷量不俗，可是警方的搜查行動中，連這幾副珍藏簽名雙節棍亦一併取去，佳哥只盼案件早日了結，警方盡快歸還「寶貝」。