頻與容祖兒傳斷背緋聞的何韻詩，昨日與鄭融、謝安琪及EO2齊聚海洋公園，出席「我承諾青網大使海洋公園派對」，宣揚保護知識產權，阿詩乘機發炮斥唱片公司各家自掃門前雪，只記掛年尾爭獎，沒有認真處理非法下載歌曲問題。
出唱片要蝕
阿詩直指樂壇中人不團結，唱片公司只着重歌手的獎項，她說：「我有個願望，唱片公司高層、各界人士唔好只着緊頒獎禮，應該團結去做啲應該做嘅嘢，好似非法下載，到𠵱家都冇正確途徑、完整系統去畀人合法download，大家各有各做，我啲蚊型歌手又做唔到乜嘢，應該由唱片公司要員去做，反映過又冇用。」
問阿詩是否覺得唱片公司花太多心力爭獎？她直言道：「我覺得係㗎！佢哋顧住去傾獎，各家自掃門前雪，唔團結，自己惟有唔出碟住，做多啲精選同liveshow，做唱片冇錢搵重要蝕，有人將實際情況（銷量）誇大嚟講。」
採訪：魯萍 攝影：陳偉權