Forum經常Post不同名人嘅預言，今次就同大家分享吓其中一個預言，呢個預言係由著名預言家黃保羅凡第斯（JuanPaulValdez）推測嘅。黃保羅凡第斯係一位死於1860年嘅牧師，死前佢喺日記上寫下不少世界性嘅預言，當中包括鐵做嘅鳥將喺天空飛行（噴射機與飛機的發明）、北方一個大帝國將衰落與解體（前蘇聯解體）等，講完黃保羅凡第斯嘅威水史，一於講講網上Post出佢嘅2007年預言。先說年初，陳水扁會被槍殺；到2月霍英東因對香港作出偉大貢獻而得到復活（你無睇錯，係復活！）；3月時，日本島離奇升上太空；5月，日本與不明星體融合，計劃侵略地球……嘩！睇完只係想笑，做乜要搵香港人最敬仰嘅霍老先生開玩笑，同埋日本島無啦啦升上太空，唔通真係外星人搞鬼？究竟呢啲係黃保羅凡第斯嘅真實預言，定係無聊網友借佢個名改嘅呢？若果真係後者，唔該唔好玩到咁大啦！
記者：區佩嫦
網址： http://www.uwants.com/viewthread.php?tid=3235531&highlight=%B9w%A8%A5