巴西球星真係冇乜紀律性，好多西甲球隊嘅巴西外援放假後都唔會準時歸隊，好似巴塞隆拿嘅廸高同朗拿甸奴，聖誕假之後就遲兩日先歸隊。不過，呢兩位球星都冇貝廸斯前鋒羅拔廸賓奴咁離譜，佢居然遲咗足足9日先歸隊，球會已講明會重罰佢。求大俠覺得羅拔廸賓奴好冇自知之明，居然仲大牌過朗拿甸奴，加上今季表現又唔多好，唔罰你就有鬼啦！