美國名嘴奧花雲費（OprahWinfrey）前日喺南非約翰內斯堡探訪由佢出錢興建嘅學校，為咗讓當地人正視愛滋病，佢仲抽血驗HIV。奧花早前收到電郵，內容聲稱佢嘅僱員喺電話錄音爆過佢嘅醜聞，意圖勒索奧花150萬美元（約1,170萬港元）。奧花暗中報案，FBI上月派出卧底購買嗰餅錄音帶，之後拘捕該名男子，芝加哥地方法院日前以勒索罪名正式起訴佢。