蘇超班霸格拉斯哥流浪帥位人選傳得最火熱嘅，係現任蘇格蘭國家隊領隊禾達史密夫，但負責代表球迷同足總溝通嘅組織，就話明國家隊唔歡迎「兼職領隊」，如果佢想教格流，就應該辭職！禾達史密夫喺歐國外領國家隊砌低法國，頓成國內炙手可熱嘅主帥，𠵱家有班友仔代表足總同球迷出嚟噏嘢，即係斷正佢條米路；但諗深一層佢哋係為國家隊着想啫！