12月28日是發嫂生日，每年生辰，發哥都會給太太一些驚喜，發嫂說：「呢排咁忙，我都冇諗到老公喺我生日一朝早走出街買禮物畀我，除咗禮物外，仲收到花同佢親手寫嘅賀卡，佢祝我身體健康，同埋寫上『永遠愛你』呢四個字，勝過千言萬語。我知道佢好擔心我嘅身體，呢幾日我同自己鬥爭好耐，覺得應該聽老公講，唔好再咁操勞，我要慢慢養番好身體，如果唔係，我點可以陪佢白頭到老，繼續畀佢錫呢！」
