上周《鏗鏘集》，專題探討香港青少年足球發展，為我周邊嘅朋友，帶來了一些迴響！
「香港冇好嘅土壤」
現今青少年點睇香港足球？記者安排4個肥頭耷耳嘅10歲小朋友，入旺角場睇本地甲組聯賽，童言無忌：「要買飛我唔嚟睇啦！」「嘩！好廢呀！咁都踢唔到！」記者問：「你踢到咩？」班牛奶仔得戚咁答：「起碼我位置感好過佢啦！」
記者再問：「有冇想過做職業球員？」佢又牙斬斬咁答：「梗有啦！不過唔會喺香港！都冇比賽氣氛！」鏡頭一轉，本地一間足球學校教練表示：「香港冇好嘅土壤，甲組就係呢塊土壤，所以培訓唔到新一代本地球員。」半小時節目，受訪人數有限，未必能反映實情！
歐洲有完善青訓系統，當然可以培養出優秀球員；但南美洲同非洲，街童佔據着橫街窄巷踢波，沒有完善系統，貧民區同樣孕育出朗拿甸奴、卡路士等球星。
發展，並非一夜之間可以改變的事，關鍵在於各方群策群力。
馮嘉奇
碩士球員讀萬卷書，親身歷盡各國足球風情。