名模Rosemary前晚偕6呎新歡齊齊𢱑銀的時裝表演，是30位香港青年設計師聯盟成員的時裝騷，以不同年代風格做主題。楊崢穿上一件紅色晚裝行騷時，忽然全場音樂停頓，射燈也一律熄滅，現場燈光驟暗，原來電箱短路跳掣，後台更有少許燒焦味，有點邪門。
有驚無險
楊崢事後說：「有驚無險，我都係第一次遇上咁嘅事，以前最誇張係見過model仆落台。」現場見她繼續示範，她說：「係呀，冇燈冇音樂，我自己心中有個beat，自己keep住繼續行囉。」
AmandaStrang示範80年代低胸金裙，金光燦爛，帶病上陣的她說：「我都唔習慣咁性感，所以膠紙都要貼實啲。」中途無燈，問她怕不怕後台有人偷拍？她說：「現場都有工作人員行來行去，但我信任大家，我相信大部份人都係好人嚟㗎，不過我都會盡量小心。」
採訪：GeneNg
攝影：EdwardChou