謝安琪前晚在九展舉行「謝安琪第一天Live暫別音樂會」，懷孕5個月的她全程穿上平底鞋，不過腹部未見特別突出，其未婚夫張繼聰以及張敬軒、王菀之、劉浩龍和謝安琪的父母均有捧場。謝安琪在台上說：「人生好多嘢都唔恒久，但我相信感情係可以直到永遠。」她隨即望向台下的張繼聰說：「除非有啲人中間做錯嘢。」事後問到是否故意警告張繼聰，她說：「講笑啫，佢唔係咁嘅人，我對佢有信心，不過呢啲嘢好邪，會開口中。」
陳奕迅反面教材
謝安琪也感謝陳奕迅的教導，她說：「佢成日話歌手好大壓力，要保持開心唔好發嬲，但佢自己又成日發嬲。佢又話做歌手唔好講咁多嘢，講多錯多，佢自己又成日講好多嘢；佢又話歌手狀態好緊要，要keepfit減肥，佢就keep住咁嘅身形。」令觀眾捧腹。
採訪：李珮洳 攝影：陳俊強