憑日劇《女王的教室》上位嘅日本女星天海祐希，前日現身為今個星期六首播嘅新劇《演歌之女王》宣傳。天海喺劇中飾演中年過氣演歌歌手大河內向日葵，錢又冇男人又冇，被封為日本第一不幸女人。天海日前啱啱被踢爆已經同拍拖三年嘅歌手男友吉川晃司甩拖，記者追問佢近日發生咗乜嘢不幸嘅事，但天海依然口硬，死口話冇喎。