去觀音廟拜財神都得？
近日股市牛氣沖天，不過我自認黑妹，唔夠膽投資股票，怕損手爛腳，我班Friend就叫我去拜吓財神，希望財神畀啲零用錢我使吓。香港無財神廟咁點拜呢？一班網友就話去觀音廟，因為觀音向信眾開庫，求財實掂。方海閱師傅話，去觀音廟求財時，廟內一定要有金童（即運財童子），拜時毋須雞魚等肉類，只需生果和鮮花便可。除了觀音廟，亦可帶備三牲酒禮，去供奉武財神趙公明的文武廟，謹記拜時要有一定步驟，入到廟，先點蠟燭後點香；然後拜時要講自己個名、出生年月日（最好有時辰）、住喺邊，仲要講清楚求啲乜（好似搵到工、中六合彩咁，講得愈清楚愈好），講完後用雙手灑酒，最後合掌三拜便可。記住，若果願望成真一定要還神呀！
記者：區佩嫦
網址：http://failforum.net/forum/viewthread.php?tid=398197&extra=page%3D1