混血女模「釘鳥」啱啱出道嗰陣真係個個話索，不吃人間煙火咁，所以好快走紅，但冇耐就俾人知道佢私生活亂龍，加上成日俾傳媒影到佢嘅淫亂生活，好快啲客就嫌佢形象太cheap，冇乜人肯搵佢做嘢。釘鳥事業不如意，就更加沉淪喺迷幻世界之中。
死跟入𨋢
早前釘鳥喺中環某高級夜店見到外籍靚仔明星「朱籮」，為咗引起人哋注意，又叫又笑，語無倫次。好似highhigh哋嘅釘鳥見人哋唔騷佢，就走埋去捉住人哋雞啄唔斷，朱籮俾佢嚇親諗住走人，但釘鳥死跟人哋入𨋢，仲同人講話自己身體有個非比尋常嘅寶貝，問佢想唔想試吓。朱籮唔單止唔領佢情，離開前仲同現場保安投訴釘鳥騷擾佢，當晚有唔少城中名人喺度，見到釘鳥咁嘅款都擰晒頭。
Textby關仁
