麥太就讀小學的大兒子，其午餐一向在學校訂購飯盒，怎知兒子偏愛濃味及香口的餸菜，幾年下來身形不斷膨脹，「原來佢食好多肉類同醬汁，後來做身體檢查先發現超重，要控制食量。」做媽媽的於是諗計解決。
為幫大仔減肥，麥太趁細仔翱雋升讀小學時改變兒子的午膳習慣，「細仔腎絲球發炎，唔可以食太鹹食物，我便親自下廚，煮較清淡嘅餸菜畀佢哋做午餐，加埋督促大仔做運動，𠵱家大仔已經fit晒。」麥太預備的「愛心飯盒」跟足健康指引3:2:1的五穀、菜、肉類比例，除了白飯，間中會煮意粉換換口味。
少油少鹽多食就慣
麥太不讓兒子餐餐吃肉，偶爾會加餸添兩隻餃子，蔬菜會選蜜糖豆、菇類、車厘茄等，盡量令飯盒有新意。
「我煮餸原則係少油少鹽，主要蒸同烚，五穀類就用飯、波菜麵或糙米，味道雖然淡啲，但食食吓就慣。」麥太自製飯盒的價錢與在學校訂飯盒相若，「平均每餐約15元，最貴係揸車送飯去學校嘅油錢。」
記者：馮婉嫺