有犯罪學家直言，一般家人之間糾紛引發的兇案有其特性，無論如何布局，總會留下蛛絲馬迹，令警方最終破案。
城大犯罪學課程主任黃成榮說，婆媳之間糾紛經常有，如果雙方關係差，有機會導致命案發生：「婆媳之間根本冇親情，唔係血脈相連，如果關係差到連感情都冇，殺機都大好多。」
對於案中疑有人因嗜賭兼負債纍纍，犯罪後故布疑陣仍錯漏百出，黃說：「賭仔最冇自律性，佢哋唔係高智慧罪犯，又冇理智，容易留低犯罪痕迹。其實好多罪犯自以為自己好聰明，可以轉移視線，但即使聰明如林過雲，都會留下蛛絲馬迹畀警方各方面嘅專家查到，因為一個人冇可能樣樣都咁叻。」
另一位犯罪學家黎定基則指：「警方可以透過反抗時留下嘅痕迹，搵出邊個最有可能係兇手。而且警方會睇埋閉路電視嘅錄影，睇吓案發時有冇陌生人出入，好容易就搵出係咪家人做。」